Илия Топурия мен Джастин Гэйджи арасындағы шиеленіс күннен-күнге күшейіп барады. Барлығы Гэйджидің айтқан сөздерінен кейін басталып, Топурия оны жеке өміріне қол сұқты деп қабылдады.

Испания атынан өнер көрсететін чемпион бұрынғы әйелі туралы айтылған пікірлерге жауап беріп, бұл тақырыпқа ешкімнің араласпауын сұрады.

«Джастин шектен шығып кетті. Менің бұрынғы әйелім екеуміздің арамызда болған нәрсе — тек біздің мәселеміз. Біз қазір бірге емеспіз, бірақ ол — қызымның анасы. Оны қорлайтын немесе мән-жайды түсінбей сөйлейтін адамдарға айтарым: аздап болса да құрмет көрсетіңіздер. Біздің қарым-қатынасымызды сыйламауларыңыз мүмкін, бірақ біреудің баласының анасын құрметтеу — өмірдегі ең қарапайым қағидалардың бірі болуы керек», — деді Топурия.

Өз кезегінде Джастин Гэйджи Топурияның сөздерін жоққа шығарып, өзі бірінші болып оның отбасын араластырғанын айтты.

«Міне сен менің дұрыс екенімді дәлелдеп тұрсың. Құрып кеткір, ұсақ адамсың. Мен сенің әйелің туралы ештеңе айтқан жоқпын. Ал сен менің әкеме тиісіп, енді шекарадан мен өттім дегендей сөйлеп отырсың. Біз қазір қақтығыстың ішінде жүрміз, досым», — деп жауап берді америкалық файтер.

Кейін Топурия тағы да мәлімдеме жасап, Гэйджидің әкесінің сөздерін есіне салды және қарсыласын жекпе-жекте ауыр жеңіліске ұшырататынын айтты.

«Әкеңді бұл іске араластырмауың керек еді. Мені “қысқа бойлы” деп атап, “сені таптап өтеді” деген — дәл сол сенің әкең... Қолында сырасы болды. Ал кейін сен менің ажырасуым туралы сөйлей бастадың. Біріншіден, біз кездесуге емес, төбелесуге шығамыз. Екіншіден, маған дос керек жоқ. Мен сені ұйықтатып тастағаннан кейін, қасында жатқан раушанға қарап, әкеңнен бір ғана сұрақ сұраймын: енді кім қысқа бойлы? Мен сені сындырамын, Джастин», — деді Топурия.

Қазіргі таңда Илия Топурия мен Джастин Гэйджи арасындағы жекпе-жек 14 маусым күні Ақ үйде өтетін UFC турнирінде болады деп жоспарланып отыр. Осыған байланысты екі файтердің арасындағы жанжал қазір MMA әлеміндегі ең қызу талқыланып жатқан тақырыптардың біріне айналды.